Deseñamos webs en Vigo para pemes de toda Galicia

Como empezamos

Empezamos facendo webs para autónomos que non podían pagar 5.000 € por unha axencia e precisaban algo mellor que unha plantilla de WordPress. De aí saíron os primeiros clientes reais — restaurantes, talleres, despachos — e a convicción de que en Galicia hai un oco enorme entre a web de 200 € feita polo primo e a axencia distante que non devolve as chamadas.

Hoxe ese oco é o que cubrimos. Webs serias, a prezo honesto, con alguén ao outro lado do teléfono.

Como traballamos contigo

Respondémosche persoalmente. Non hai account managers nin juniors entre nós. As chamadas collémolas nós, os emails contestámolos nós e o deseño facémolo nós.

Somos directos. Se a idea que traes non che vai xerar máis vendas, dicímoscho na primeira chamada — aínda que perdamos o proxecto. Vale máis unha conversa honesta de 30 minutos que un contrato asinado ás cegas que se atasca ás dúas semanas.

Estamos en Vigo. Se necesitas que vaiamos ao teu negocio, imos. Sen custo extra dentro de Vigo e comarca.

Idiomas e zona de traballo

Traballamos en galego, castelán e inglés. As reunións, os entregables e os textos da web fanse no idioma que mellor encaixe cos teus clientes.

Estamos en Vigo, atendemos presencialmente en toda a provincia de Pontevedra e por videochamada ao resto de Galicia e España. Se o proxecto o xustifica, imos en persoa onde faga falta.